உள்ளூராட்சி மன்றங்களிற்கிடையே நடைபெற்ற செயற்திறன் மதிப்பீட்டு போட்டியில் வலி வடக்கு பிரதேச சபை தேசிய ரீதியாக இரண்டாம் இடம் பெற்று வெள்ளி விருதை பெற்றுக் கொண்டது

2024 National Perfomance Assessment of Local Authorities in Sri Lanka (key findings from the PERFECT 2.0 Survey)

தேசிய ரீதியாக உள்ளூராட்சி மன்றங்களில் நடைபெற்ற செயற்திறன் மதிப்பீடு 2024 இல் வலி வடக்கு பிரதேச சபை 663.75 புள்ளிகளுடன் தேசிய ரீதியாக இரண்டாம் இடம் பெற்று வெள்ளி விருதை பெற்றுக்கொண்டதுடன் வேறுபட்ட நான்கு விடயங்களில் உயர் செயற்திறனுக்காக மூன்று விருதுகளையும் பெற்றுக் கொண்டது.

கொழும்பு பண்டாரநாயக்க ஞாபகார்த்த சர்வதேச மாநாட்டு மண்டபத்தில் கெளரவ பிரதமர் தினேஷ் குணவர்த்தன அவர்களின் முன்னிலையில் நடைபெற்ற நிகழ்வில் இவ் விருதுகள் வழங்கி கெளரவிக்கப்பட்டமை குறிப்பிடத்தக்கதாகும்.

இவ் விருது வலி வடக்கு பிரதேச சபை வரலாற்றில் ஒரு மைல்கல்லாகும். இவ் அடைவிற்கு உழைத்த சபை உத்தியோகத்தர்கள் அனைவரிற்கும் செயலாளர் நன்றிதெரிவித்தார்.